Chantal Pretorius
DIE ROOI OOG PES – 2017 © CHANTAL PRETORIUS
Gedig
[spacer height=”20px”]
tik, tik, tik
vinnig, haastig, lastig
verstik in die woorde
gebruik lank
of kort sinne
’n nuwe woordeskat
elke keer ’n webblad
en hand word lam
wit muis aan die brand
gedagtes besonders
bewonder die nommers
speel met wiskunde somme
knip, snipper, plak ’n beeld
die internet is gereed
webblaaie is warm
en databundel arm
vingers bly
vingers gly
oor swart sleutelbord
is elektrisiteitsvrate
van yster en plaat
kort ure sal nie baat
kan die hoofskakelaar
saggies, onverwags praat
haak internet spoed vas
rekenaarskerm van waterglas
swig die internet hard
papiere blink en glad
skakel na 010101 asem
spog met grys-wit wasem
soek werkwoorde
soek ander soorte
sleutelbord tik voort
swart of rooi
internet mooi opgetooi
links of regs
alles is reg.
